«Առաջին լրատվական»-ի հետ զրույցում քաղաքական մեկնաբան Լևոն Մարգարյանը, անդրադառնալով դիտարկմանը, որ փաստորեն հնարավոր է առանց քաղաքական բովանդակության ընտրություններ կազմակերպել, նշեց, որ առաջին հերթին դրա կառուցվածքային պատճառը նոր Սահմանադրությունը և նոր ԸՕ-ն են. «Որովհետև այն մեխանիզմով, որով տեղի են ունենալու ընտրությունները, ամբողջովին փոխում է տրամաբանությունը, ըստ էության, ռեյտինգային թեկնածուներից է կախված, թե որ կուսակցությունն ինչքան ձայն կհավաքի:
Այդ ռեյտինգային ընտրակարգով առաջադրված մարդիկ ավանդաբար քաղաքական գաղափարախոսությունով չեն զբաղվել, և նրանցից դա չենք էլ ակնկալում: Նրանք հասկացել են, որ գաղափարներով ընտրազանգված չեն հավաքի և ընտրել են պոպուլիզմով զբաղվելու տարբերակը»:
Լ. Մարգարյանի կարծիքով՝ իշխանությունը վախենում է ինքնաբավ ընդդիմություն ունենալուց և վակուումը քաղաքական բովանդակությամբ լցնելուց:
«Հիմնական խնդիրն այն է, որ ապաքաղաքական մթնոլորտը ավելացնելու է հայաստանյան հասարակության չմասնակցայնության չափաբաժինը, ինչը բերելու է դեպրեսիա, սոցիալական «բունտ», արտագաղթ: Եթե լինեն ուղղորդեղ գործոններ, դա հնարավոր է վերածվի «ՊՊԾ գնդի»,- նշեց քաղքական մեկնաբանը: Նրա կարծիքով՝ այժմ կան այդպիսի ուղղուրդող գործոններ և ոչ միայն ՕՐՕ-ի շուրջ:
Քաղաքական մեկնաբանի դիտարկմամբ՝ ինչ-որ մարդիկ ներկլանային հարցեր լուծելիս փորձում են օգտագործել հանրային դժգոհությունը և դարձնել ռադիկալ դրսևորում:
Մանրամասները՝ տեսանյութում:
