Բելգրադն ու Պրիշտինան ՄԱԿ ԱԽ-ում տարակարծություն են հայտնել Կոսովոյում ժամանակավոր վարչակազմի հարցերով ՄԱԿ-ի առաքելության աշխատանքի շարունակման հեռանկարի կապակցությամբ, որը հաստատվել է 1999 թվականին՝ սերբական երկրամասում պատերազմի ավարտին:
Անվտանգության խորհրդում բաց դեբատների ժամանակ ելույթ ունենալիս Կոսովոյի արտգործնախարար Էնվեր Հոջայը կոչ է արել վերացնել առաքելությունը՝ այն փոխարինելով քաղաքական բյուրոյով, որը կզբաղվի ՄԱԿ-ում Կոսովոյի ընդունման նախապատրաստմամբ: Այս մասին փոխանցում է ITAR-TASS-ը:
Սերբիայի արտգործնախարար Իվան Մրկիչը կողմ է արտահայտվել ՄԱԿ-ի առաքելության աշխատանքի շարունակմանը՝ նշելով այն կարևոր դերը, որ նա կարող է խաղալ Բրյուսելում Բելգրադի և Պրիշտինայի միջև ձեռք բերված պայմանավորվածությունների իրականացման գործում: