Հռոմի պապ Ֆրանցիսկոսը կոչ է արել ընտանիքներին ավելի քիչ երեխաներ ունենալ՝ աշխարհը կայունացնելու համար։ Այս մասին հայտնում է Independent-ը՝ հղում անելով Վատիկանի կողմից անցկացվող «Ինչպես փրկել բնական աշխարհը» վերտառությամբ սեմինարի մասնակից, բուսաբան Փիթեր Ռեյվենին, ով պապի կողմից արված մեկնաբանությունների մասին հայտնել է մամլո ասուլիսի ժամանակ։
«Մենք աշխարհում ավելի սահմանափակ թվով մարդկանց կարիք ունենք։ Աշխարհում սոցիալական արդարության շրջանակում մենք կարեկցանքի ու սիրո հիման վրա բնական ռեսուրսների բաշխման ուղիներ գտնելու կարիք ունենք»,-պապի խոսքերն է մեջբերում Ռեյվենը։
Կաթոլիկ եկեղեցին չի աջակցում ծնելիության վերահսկման արհեստական մեթոդներին, սակայն Ֆրանցիսկոս պապը նախկինում ասել է, որ հղիությունից խուսափելը «բացարձակ չարիք» չէ։
