«Կարեն Կարապետյանը նշանակվել է մեր ժողովրդին մոլորեցնելու, հույս ներշնչելու համար միայն: Հովիկ Աբրահամյանը բացարձակ ստեր էր ասում, իսկ Կարեն Կարապետյանը կիսաստեր է ասում, կիսաստերն ասում են, որպեսզի մոլորեցնեն և ժամանակ շահեն ու նորից խաբեն»,- «Առաջին լրատվական»- ի հետ զրույցում այս մասին ասաց ՀԱԿ վարչության անդամ Վարդան Մալխասյանը՝ հավելելով, որ երկիրն այսպես կառավարելով՝ ժողովրդի կամքը, քվեն են ուզում գողանանալ, և դարձնել հպատակները: Նա կոչ արեց, որ ժողովուրդը երբեք չհամաձայնի իշխանության առաջարկներին ու մեթոդներին:
«Վարչապետի հետ հույսեր են կապում, որ կարող է ինչ-որ բան փոխել, վարչապետը միլիարդատեր, նույն օլիգարխիայի լծակներից է, ո՞նց կարող է փոխել, համակարգը մինչև ծայրից ծայր չփոխես, ոչինչ չի փոխվի»,- նշեց ազատամարտիկը:
Անդրադառնալով դիտարկմանը, որ փոխզիջումային տարբերակով ղարաբաղյան հարցը կարգավորելու վերաբերյալ Լևոն Տեր-Պետրոսյանի ելույթը սուր քննադատությունների արժանացավ, Վ. Մալխասյանը կարծիք հայտնեց, որ «Լևոն Տեր-Պետրոսյանի տեսակետը կենսական նշանակություն ունի հայ ժողովրդի համար, բայց մարդիկ խրտնում են դրանից»:
Մանրամասները՝ տեսանյութում:
