Իտալիայում հայտնաբերվել է մամոնտի կմախք՝ հաղորդում է The Local-ը՝ հղում կատարելով Il Messaggero-ին: Գտածոն մոտավորապես 1 մլն տարեկան է: Պեղումները կատարվել են Ումբրիայի կենտրոնական շրջաններում:
Այդ շրջանը լայնորեն հայտնի է իր հնագիտական գտածոներով: Ողջ հետազոտության ընթացքում գիտնականները հայտնաբերել են վայրի ցլերի ավելի քան 200 կմախքներ, հովազներ ու գետաձիեր:
Կմախքը հետազոտողների կողմից հայտնաբերվել է մի քանի շաբաթ առաջ, բայց պեղումների ղեկավար Մարկո Չերինի խոսքով՝ միայն այժմ է հաջողվել այն ամբողջությամբ գետնի տակից հանել: