Մեծ Բրիտանիան ծիծաղում է երկու ենթադրյալ գողերի վրա, ովքեր iCloud-ում լուսանկարների ուղարկման միացված գործառույթով iPhone են գողացել լողափում: Այժմ ոչ միայն ողջ երկիրը, այլև ողջ աշխարհը ծիծաղում է նրանց կիսամերկ լուսանկարների վրա:
Սմարթֆոնը պատկանել է 27-ամյա բուժքույր Բեքի Բրինքլոուին: Նա այդ օրն իր 1.5 տարեկան որդու հետ ճաշում էր Էսսեքս կոմսության Սաուսենդ լողափնյա քաղաքում:
Սմարթֆոնի բացակայությունը նկատելով՝ կինը հիշել է, որ ճաշի ժամանակ երկու անծանոթ տղամարդիկ կանգ էին առել իր սեղանի մոտ, և նրանցից մեկն իր ափսեից տապակած կարտոֆիլի տաշեղ է վերցրել: Հավանաբար երբ կինը զարմանքով նայել է նրան, մյուսը սեղանից աննկատ վերցրել է iPhone-ը:
Բեքիի հեռախոսն ապահովագրված է եղել: Հաջորդ օրը նա ստացել է նորը: Տուն վերադառնալով՝ նա որոշել է սարք ներբեռնել iCloud-ում պահպանված ողջ տեղեկատվությունը: Պարզվել է, որ «ամպային» պահեստում են հայտնվել նաև լուսանկարներ, որոնցում երևում են ծովափին հանգստացող վարտիքավոր տղամարդիկ:
Կինը Find My iPhone հավելվածի միջոցով արգելափակել է իր սմարթֆոնը: Հեռախոսի անհետանալու մասին ոստիկանությունում հաղորդագրություն է տրվել:
