ՀՀ վարչապետ Կարեն Կարապետյանը կառավարության նիստի մեկնարկին անդրադարձավ Սևանա լճից ջրի բացթողման ընթացքում ոռոգման ջրի կորուստների խնդրին։ ՀՀ վարչապետն ընդգծել է, որ ամեն տարի ոռոգման նպատակով Սևանա լճից ջուր է բաց թողնվում, բայց այդ ընթացքում տեղի են ունենում ջրի կորուստներ՝ նշելով, որ այդ խնդիրը պետք է լուծվի: «Երկար տարիներ խոսվում է ջրի ահ ռելի կորուստների մասին,սակայն այդ խնդիրը մինչ օրս լուծում չի ստացել:Այս հարցը լուծել է պետք, որպեսզի կարողանանք արդյունավետ օգտագործել մեր ջրային ռեսուրսները»,- ասել է վարչապետը:
Կարապետյանը բնապահպանության նախարարին, էներգետիկ ենթակառուցվածքների և բնական պաշարների նախարարին, բնապահպանության նախարարությանն առընթեր ջրային տնտեսության պետական կոմիտեի նախագահին հանձնարարեց մինչև Սևանա լճից ջուր բաց թողնելը ապօրինի ջրօգտագործողներին հայտնաբերել և օրինական դաշտ բերել:
