Արևմտյան ԶԼՄ-ների ուշադրության կենտրոնում շարունակում է գտնվել երգչուհի Բեյոնսեի հղիությունը: Ինչպես հաղորդում է E! Online պարբերականը՝ վկայակոչելով իր աղբյուրներին, երգչուհու հղիությունը երկրորդ շունչ է պարգևել նրա ամուսնությանը:
«Բեյոնսեի և Ջեյ Զիի ամուսնությունը լավագույն շրջանում է գտնվում: Անցած տարվա ընթացքում նրանք մեծ ուշադրություն են դարձրել միմյանց, ինչը բարենպաստ ազդեցություն է թողել նրանց հարաբերությունների վրա: Երկուսն էլ միշտ մեծ ընտանիք են ցանկացել, այդ պատճառով նման ուրախությամբ ընդունեցին լուրն այն մասին, որ Բեյոնսեն հղի է երկվորյակներով: Երեխաները Աստծու պարգև էին նրանց համար»,-ասել է զույգին մոտ կանգնած աղբյուրը:
Նրա խոսքով՝ երգչուհու 5-ամյա դստերը դուր է գալիս ավագ քույր լինելու հեռանկարը, աղջիկը ևս ուրախությամբ է ընդունել մայրիկի հղիության մասին լուրը:
Բեյոնսեի մտերիմները նկատել են, որ նա սկսել է շուտ հոգնել, փոխվել է նաև նրա վերաբերմունքը սննդի հանդեպ: «Նա ջանում է հետևել քաշին, այս հարցում նրան օգնում է բժիշկը և դիետոլոգը: Ընդհանուր առմամբ իրեն լավ է զգում, անհամբերությամբ սպասում է երեխաների լույս աշխարհ գալուն»,-ասել է աղբյուրը:
Պարբերականի տվյալներով՝ երգչուհին երեխաների ծնվելուց հետո որոշ ժամանակով կհեռանա բեմից:
