Թուրքիայի ԱԳՆ ներկայացուցիչ Հուսեյն Մյուֆթյուօղլուն քննադատել է Իրանին ՝ թուրքական ղեկավարությանն ուղղված մեղադրանքների համար: Նրա խոսքով՝ Իրանը մեղավոր է տարածաշրջանում ստեղված անկայունության համար:
Նշենք, որ նախօրեին Թեհրանում Թուրքիայի դեսպանին կանչել էին ԱԳՆ՝ տարածաշրջանում Իրանի քաղաքականության վերաբերյալ թուրքական իշխանությունների հայտարարությունների կապակցությամբ:
«Անհնարին է հասկանալ և ընդունել նրանց մեղադրանքները, որը պատասխանատվություն է կրում տարածշրջանային լարվածության և անկայունության համար: Իրանի ԱԳՆ-ի ներկայացուցիչ Բահրամ Ղասեմիի հայտարարությունն անարդար է: Փոխարենը քննադատություններ հնչեցնել նրանց հասցեին, ովքեր քննադատում են Իրանին, ակնկալում ենք, որ նա կվերանայի իր տարածաշրջանային քաղաքականությունը»,-ասվում է Թուրքիայի ԱԳՆ-ի ներկայացուցչի հայտարարության մեջ:
Հիշեցնենք, որ Բահրեյն կատարած այցի ընթացքում Թուրքիայի նախագահ Ռեջեփ Թայիփ Էրդողանը Իրանին մեղադրել է Սիրիան, Իրաքը կազմալուծելու, տարածաշրջանում երկրի ազդեցությունը մեծացնելու մեջ:
