Ամռան սկզբից Ճապոնիայում ջերմային հարվածով հոսպիտալացվածների թիվը մոտեցել է 54 հազարի: Այս մասին են վկայում պաշտոնական տվյալները՝ փոխանցում է RIA Novosti-ն:
Մայիսի վերջից ջերմային հարվածով հիվանդանոց է տեղափոխվել 53 հազար 739 մարդ, որից 87-ը մահացել են: Օգոստոսի 19-25-ն ընկած ժամանակահատվածում հոսպիտալացվածների թիվը հասել է 5680-ի, մահացել է 10 մարդ:
Օդերևութաբանների տվյալներով՝ օրվա միջին ջերմաստիճանը Ճապոնիայում օգոստոսի երկրորդ տասնօրյակում եղել է 1961 թվականից անցկացվող վիճակագության ընթացքում ամենաբարձրը։
