Բաքվում Եվրամիության դեսպան Ռոլան Կոբիան հանդես է եկել հայտարարությամբ Ադրբեջանում կայանալիք նախագահական ընտրությունների կապակցությամբ:
Ինչպես հաղորդում է contact.az-ը, ողջունելով Ադրբեջանի կառավարության և ԵԱՀԿ/ԺՀՄԻԳ-ի միջև ձեռք բերված համաձայնագիրը ընտրություններին դիտորդական առաքելություն ուղարկելու վերաբերյալ՝ Կոբիան նշել է նրանց աշխատանքի համար պայմաններ ստեղծելու անհրաժեշտությունը:
Դիտորդական առաքելության համապատասխան թիվը, պրոֆեսիոնալ և հավասարակշռված կազմը, բարենպաստ մթնոլորտը անհրաժեշտ պայմաններ են ԺՀՄԻԳ-ի մանդատի շրջանակներում նրանց առաքելության իրագործման համար:
Հայտարարության մեջ նշվում է, որ ԺՀՄԻԳ-ի առաքելությունն ազգային և միջազգային դիտորդների հետ կմեծացնի ընտրական գործընթացի միջազգային օրինականությունը:
