Ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Տիգրան Վարդանյանի կողմից նյութեր են նախապատրաստվում, այսօր՝ օգոստոսի 25-ին Երևանում տեղի ունեցած վթար-վրաերթի փաստով: Ժամը 15:00-ի սահմաններում Ճանապարհային Ոստիկանության օպերատիվ կառավարման կենտրոնից տեղեկություն է ստացվել, որ Կիևյան փողոցի 14ա շենքի՝ « Շանթ» հեռուստաընկերության դիմաց ավտովթար է տեղի ունեցել:
Ինչպես հայտնում է shamshyan.com–ը՝ նշված վայր մեկնած օպերատիվ քննչական խումբը՝ քննիչ Տ. Վարդանյանի գլխավորությամբ պարզել են, որ նշված շենքի դիմաց, Երևան քաղաքի բնակիչ` 26-ամյա Գարեգին Հակոբյանը, իր կողմից վարած Volkswagen մակնիշի 17 ԼD 007 համարանիշի ավտոմեքենայով ընդհարվել է նշված հատվածում վթարված վիճակում գտնվող Երևանի բնակիչ 47-ամյա Տեպանոս Թադևոսյանի վարած ՎԱԶ 21-21 մակնիշի 50 ՍՏ 700 համարանիշի վտոմեքենային:
Բախման հետևանքով Տ. Թադևոսյանի ավտոմեքենան էլ ինքնաբերաբար առաջ ընթանալով, վրաերթի է ենթարկել Երևանի բնակիչ` 30-ամյա Ջանիբեկ Իսրայելյանին: Այնուհետև ընդհարվել է Երևանի բնակիչ՝ 31-ամյա Տիգրան Քուրաջյանի վարած Volkswagen մակնիշի 35 DՏ 951 համարանիշի ավտոմեքենային:
Ֆոտոլրագրողը հայտնել է, որ վթարի հետևանքով Ջ. Իսրայելյանը, ով աշխատում է «Ինգո Արմենիա» ապահովագրական ընկերությունում՝ որպես փորձագետ, կայուն ծանր ախտորոշմամբ տեղափոխվել է «Նաիրի» բժշկական կենտրոն;
Մանրամասները՝ shamshyan.com–ում
