ԱԺ արտաքին հարաբերությունների հանձնաժողովի նախագահ Արտակ Զաքարյանը Aravot.am-ում հրապարակված հոդվածում անդրադարձել է վերջերս որոշ շրջանակների և լրատվամիջոցների՝ արտաքին քաղաքականության և դիվանագիտական ներկայացուցչությունների գործունեությանն ուղղված չհիմնավորված ու չափազանցված քննադատությանը:
Ստորև ներկայացնում ենք հոդվածը. «Որպես Հայաստանի արտաքին քաղաքականության ոլորտին անմիջական առնչություն ունեցող պատգամավոր՝ չեմ կարող չանդրադառնալ վերջերս որոշ շրջանակների և լրատվամիջոցների՝ արտաքին քաղաքականության և դիվանագիտական ներկայացուցչությունների գործունեությանն ուղղված չհիմնավորված ու չափազանցված քննադատությանը:
Չէի ցանկանա խորամուխ լինել, թե ինչով է պայմանավորված մեր արտաքին քաղաքականության համար ներկայիս վճռորոշ փուլում Հայաստանի դիվանագիտության ու դիվանագիտական ներկայացուցչությունների գործունեության այս ընդհանրական, կարելի է ասել անգամ շաբլոնային գնահատականների և համահարթեցման փորձի նոր ալիքը: Ակնհայտ է, որ արտաքին քաղաքական համակարգի, ընդհանուր առմամբ, և մասնավորապես դրա բաղկացուցիչ մասերի գործունեության վերաբեյալ կարծիք հայտնելիս պետք է համապարփակ և սթափ վերլուծության ենթարկել բոլոր այն քաղաքական և աշխարհաքաղաքական գործոնները, որոնք էլ պայմանավորում են այդ ոլորտում ձեռնարկվող յուրաքանչյուր քայլ:
Հերքելու համար այն եզրույթը, որ մեր դիվանագիտական ներկայացուցչությունները պարտություն են կրում տարբեր հարթակներում տարվող քարոզչական պատերազմում, կարելի է բերել աշխարհաքաղաքական կարևորագույն կետերից մեկում՝ ամերիկյան քաղաքական հարթակներում ընթացող պայքարում հայկական կողմի հաջողությունները: Հարթակ, որտեղ մեր դիվանագետների և հայկական համայնքի համատեղ գործողություններով հաջողվում է ոչ միայն հակադարձել թուրք-ադրբեջանական ջանքերին և նրանց կողմից վարձված փորձառու լոբբիստական կազմակերպությունների՝ միլիոնավոր նաթվադոլարներով իրականացվող արշավներին, այլև ունենալ նաև շոշափելի ձեռքբերումներ»:
Հոդվածն ամբողջությամբ կարդացեք՝ aravot.am-ում
