Եվրոպայի լիբերալներ-դեմոկրատների դաշինքի (ALDE) առաջնորդ, Բելգիայի նախկին վարչապետ և Եվրախորհրդարանում Brexit-ի հարցով բանակցորդ Գի Վերհոֆստադտը հայտարարել է, որ ԱՄՆ նախագահ Դոնալդ Թրամփը Եվրամիության համար սպառնալիք է ներկայացնում, հայտնում է Reuters գործակալությունը:
«Ես նոր եմ վերադարձել ԱՄՆ-ից, և ես կարծում եմ, որ մենք ունենք երրորդ ճակատը, ինչը խարխլում է ԵՄ-ը` դա Դոնալդ Թրամփն է»,- հայտարարել է Վերհոֆստադտը՝ ելույթ ունենալով Լոնդոնում: Նրա խոսքերով` ԵՄ-ի համար սպառնալիքը գալիս է նաև արմատական իսլամից և Ռուսաստանի նախագահ Վլադիմիր Պուտինից: