Բաքվում ուժայինները ձերբակալել են մի խումբ քրեական հեղինակությունների, ովքեր դիմավորելու էին եկել Թուրքիայում սպանված «օրենքով գող» Ալիբալա Համիդովի դագաղը: Այս մասին հայտնում է Crimerussia.ru-ն՝ հղում անելով իր աղբյուրներին:
Հիշեցնենք, որ 40-ամյա ադրբեջանցի «օրենքով գողը», որ հայտնի էր Բաքվեցի Գոջա մականունով, Թուրքիայում հարձակման էր ենթարկվել անհայտ մարդասպանի կողմից: Ստացված վնասվածքներից նա տեղում մահացել էր: Գոջան եղել է հայտնի «օրենքով գող» Ռովշան Ջանիևի (Լենկորանսկի) մոտ դաշնակիցներից մեկը:
Ձերբակալվածների անունները հայտնի չեն: Նրանց բոլորին, ըստ բնակության վայրի, տարել են ոստիկանական բաժանմունքներ:
Վարկած կա, որ Համիդովի սպանության հետևում կարող էին կանգնած լինել «դեդականները»: Բանն այն է, որ Ասլան Ուսոյանի (Դեդ Հասան) սպանությունից հետո նա անցել էր Ջանիևի կողմը: Պարբերականի աղբյուրները հերքել են այդ վարկածը՝ հայտնելով, որ Գոջային սպանողը կարող է լինել հենց Ռովշանը:
