Այս շաբաթվա սկզբին ղազախական ԶԼՄ-ները հայտնել էին, որ օգոստոսի վերջին Ալմաթիում կկայանա հանրապետության նախագահ Նուրսուլթան Նազարբաևի թոռան՝ Այսուլթանի հարսանիքը: Նա կնության է առնում Ալիմա Բորանբաևային, ով «ԿազՌոսԳազ» ռուս-ղազախական ձեռնարկության ղեկավարի դուստրն է:
Այսուլթան Նազարբաև
Նախագահի թոռանը շնորհվել է ավագ լեյտենանտի կոչում. Այսուլթանը ծառայում է Ղազախստանի պաշտպանության նախարարության հետախուզական գլխավոր վարչությունում: 23-ամյա Այսուլթան Նազարբաևը Ցամաքային զորքերի բրիտանական թագավորական ռազմական ակադեմիայի շրջանավարտ է:
Lenta.ru-ն որոշել է հիշեցնել հետխորհրդային առաջնորդների երեխաների մասին:
Դարիգա Նազարբաևա
Ղազախստանի նախագահի ավագ դուստրն է ու Այսուլթանի մայրը: 2012-ի հունվարին նա դարձել է երկրի խորհրդարանի պատգամավոր և գլխավորել սոցիալ-մշակութային զարգացման հարցերով մեջլիսի հանձնաժողովը: Դրանից բացի, Դարիգան պարբերաբար հանդես է գալիս համերգներով՝ որպես էստրադային երգչուհի: Հանրապետության առավել ազդեցիկ կանանց վարկանիշում նա կայուն կերպով զբաղեցնում է առաջին տեղը: Շատերը նրան դիտարկում են որպես Նուրսուլթան Նազարբաևի հնարավոր իրավահաջորդ:
Սերժ Սարգսյանի դուստրերը՝ Անուշն ու Սաթենիկը
ՀՀ նախագահ Սերժ Սարգսյանը երկու դուստր ունի՝ Անուշն ու Սաթենիկը: Անուշը մասնագիտությամբ իրավաբան է, ամուսացած է Միքայել Մինասյանի հետ, ով նախագահի աշխատակազմի ղեկավարի տեղակալն էր: Սաթենիկը տնտեսագետ է. ավարտել է ԵՊՀ-ն:
Ադրբեջանի նախագահի դուստրերն են՝ Արզուն (աջից) և Լեյլան՝ ամուսնու՝ Էմին Ագալարովի հետ
Լեյլա Ալիևան զբաղվում է ոչ միայն հասարակական և հրատարակչական գործունեությամբ, այլև ֆիլմեր է նկարահանում և բանաստեղծություններ գրում: Նրա «Էլեգիա» բանաստեղծությունը՝ նվիրված պապին՝ Հեյդար Ալիևին, ներառվել է 5-րդ դասարանի գրականության դասագրքում: Լեյլայի ամուսինը՝ Crocus Group ընկերությունների խմբի փոխնախագահն է, երգիչ, երաժիշտ: Արզուն 2011-ի սեպտեմբերին ամուսնացել է գործարար Սամեդ Կուրբանովի հետ:
Գյուլնարա Քարիմովա
Ուզբեկստանի նախագահի ավագ դուստրն է: Ամուսնացած է եղել ԱՄՆ քաղաքացի Մանսուր Մաքսուդիի հետ, ումից ամուսնալուծությունը ժամանակին հանգեցրել է միջազգային սկանդալի: Ուզբեկստանի և նրա առաջնորդի իմիջը (հորը համարում են աշխարհի ամենակոշտ բռնապետներից մեկը) փոքր-ինչ փչացնում է Գյուլնարայի վարկանիշը: Գյուլնարան զբաղվում է բարեգործությամբ, թողարկում է ոսկե զարդեր, իր դիզայներական բրենդի ներքո՝ հագուստի հեղինակային հավաքածուներ, իսկ ժամանակ առ ժամանակ փորձում է դրսևորվել քաղաքանությունում:
Լոլա Քարիմովա
Ուզբեկստանի նախագահի դուստրը զբաղվում է հիմնականում բարեգործական գործունեությանմբ և սպորտի ու մշակույթի աջակցմամբ: Լոլան ամուսնացած է գործարար Թիմուր Տիլաևի հետ: Նրանք վերջերս, արևմտյան ԶԼՄ-ների տեղեկություններով, ԱՄՆ-ում 58 մլն դոլարով շքեղ առանձնատուն են գնել:
Նիկոլայ Լուկաշենկո
Կոլյա Լուկաշենկոն Բելառուսի նախագահի երեք որդիներից կրտսերն է: 9-ամյա տղան մշտապես ուղեկցում է հորը հանրապետությունում գործարար այցերի և արտերկիր ուղևորությունների ժամանակ: Նախկինում ենթադրվում էր, որ Լուկաշենկոն նրան իր իրավահաջորդ է պատրաստում, սակայն ավելի ուշ Բելառուսի նախագահը հերքել էր այդ ենթադրությունները:
Բելառուսի նախագահն՝ իր երեք որդիների՝ Վիկտորի (ձախից), Դմիտրիի (աջից) և Նիկոլայի հետ
Բելառուսի նախագահի ավագ որդի Վիկտոր Լուկաշենկոն աշխատում է որպես ազգային անվտանգության հարցերով պետության ղեկավարի օգնական: Դմիտրին զբաղեցնում է «Նախագահական մարզական ակումբ» պետական –հասարակական միավորման կենտրոնական խորհրդի նախագահի պաշտոնը, ինչպես նաև հանդիսանում է հանրապետության ազգային օլիմպիական կոմիտեի անդամ:
Իվանիշվիլին՝ կնոջ և որդու հետ
Վրաստանի վարչապետ Բիձինա Իվանիշվիլիի որդին՝ Բերան, անցած տարվա վերջին ձայնագրել է «Խոստանում եմ» ռեփ ալբոմը: Բերան խոստովանել է, որ իր երազանքն է Grammy մրցանակի արժանանալը և միջոցառմանը վրացական առոգանությամբ «շնորհակալություն» ասելը:
Յանուկովիչի որդիները՝ Ալեքսանդրը (ձախից) և Վիկտորը՝ մոր՝ Լյուդմիլայի ու կանանց հետ
Մինչ 2010 թվականին Վիկտոր Յանուկովիչի նախագահ դառնալը, լայն հասարակությանը հայտնի էր միայն քաղաքական գործչի մեկ որդու՝ Վիկտորի մասին: Սակայն ինչպես պարզվել է՝ Յանուկովիչը երկրորդ որդի ունի, ընդ որում՝ ավագ: Անցած երեք տարիներին Յանուկովիչը դարձել է երկրում ամենաազդեցիկ անձնանցից մեկը, չնայած նախընտրում է ստվերում մնալ: Յանուկովիչի հակառակորդները հաստատում են, որ հենց Ալեքսանդրն է շատ առումներով որոշում հոր քաղաքականությունը և իշխանության լծակների օգնությամբ«ընտանիքի շուրջ» ստեղծել է մի ողջ բիզնես կայսրություն:
Վիկտոր Յանուկովիչ
Ուկրաինայի նախագահ Վիկտոր Յանուկովիչի որդի Վիկտորն արդեն երկու անգամ ընտրվել է խորհրդարանի պատգամավոր, իսկ ազատ ժամանակ զբաղվում է ավտոքրոսով, մրցավազքերով ու մեքենաների «թյունինգով»:
Մոլդովայի նախագահ Նիկոլայ Տիմոֆտիի որդի Նիկուն
Մոլդովայի նախագահի որդի Նիկու Տիմոֆտին լրագրողի մասնագիտություն է ընտրել: Նախկինում նա որպես հաղորդավար է աշխատել մի քանի ռադիոկայաններում, իսկ այժմ աշխատում է որպես մարզական լրագրող և PRO TV Chisinau հեռուստաալիքի հաղորդավար: 33-ամյա Նիկուն ամուսնացած չէ, սակայն երազում է 5 երեխաների հայր դառնալ:
Տաջիկստանի նախագահ Էմոմալի Ռահմոնը՝ ընտանիքի հետ
Հետխորհրդային տարածքում երեխաների թվաքանակով ռեկորդակիրը Տաջիկստանի նախագահ Էմոմալի Ռահմոնն է: Նա 9 երեխա ունի, որից 7-ը՝աղջիկ (Ֆիրուզա, Օզոդա, Ռուշոնա, Տհմինա, Փարվինա, Զարինա և Ֆարզոնա): Որդիներն են Ռուստամն ու Սոմոնը:
Էստոնիայի նախագահը՝ որդու՝ Լուկաս Քրիստիանի հետ
Էստոնիայի նախագահ Թոմաս Հենդրիկ Իլվեսի որդի Լուկասը 2009-2010 թթ. ծառայել է հակաօդային պաշտպանության Տապասկի գումարտակում, որից հետո աշխատանքի անցել հանրապետության ՊՆ վերլուծական բաժնում:
Կրկին Լուկասն է
2012-ի հունվարից Լուկասն աշխատում է որպես տեղեկատվական համակարգերի դեպարտամենտի՝ միջազգային համագործակցության հարցերով փորձագետ: Հանդիպում է իր հասակակից Բերիտ Պիհոյի հետ, ով որպես խորհրդատու է աշխատում կառավարության հաղորդակցական բյուրոյում:
Լիտվայի նախագահ Դալյա Գրիբաուսկայտեն
Հետխորհրդային միակ նախագահը, ով ընտանիք չունի, Լիտվայի ղեկավարն է: Իր անձնական կյանքի մասին 57-ամյա Դալյա Գրիբաուսկայտեն նախընտրում է չխոսել: Լիտվայի նախագահը կարատեի սև գոտի ունի:
