Հունվարի 8-ին, ժամը 13:12-ին ահազանգ է ստացվել, որ Արմավիրի մարզի Մուսալեռ գյուղի շենքերից մեկի բնակարանի բնակիչները չի արձագանքում դռան թակոցներին եւ հեռախոսազանգերին: Այս մասին տեղեկացնում է ՀՀ ԱԻՆ մամուլի ծառայությունը:
Դեպքի վայր է մեկնել մեկ մարտական հաշվարկ: Shamshyan.com-ի փոխանցմամբ՝ հարեւանները բնակարանից գազի ուժեղ հոտ են զգացել:
Փրկարարները բացել են բնակարանի դուռը եւ հյուրասենյակում հայտնաբերել տղամարդու եւ կնոջ դի, ինչպես նաեւ անգիտակից վիճակում գտնվող անչափահաս աղջկա, որը կենդանության նշաններ է ցույց տվել: Ավելի ուշ, սակայն, երեխան հիվանդանոցում մահացել է:
