Աշխարհի շատ երկրներում պետական տոների օրերին ռազմական շքերթներ են տեղի ունենում: Նախապես լինելով բանակի ռազմական հզորությունը ցուցադրելու միջոց՝ դրանք նաև միջոցառումը գեղեցկացնելու իմաստ են ձեռք բերել, նշում է Lenta.ru-ն:
Ամենավառ և գեղեցիկ ռազմական շքերթներից մեկը տեղի է ունենում Չիլիում: Դրան մասնակցող զինվորականներն առանձնանում են արտաքին տեսքով, քանի որ շքերթային համազգեստը անփոփոխ է մնացել 19-րդ դարում զինված ուժերի արդիականացումից ի վեր: Չիլիացի զինվորականների կերպարում ամենահիշվող տարրերից է նրանց սաղավարտը, որը պրուսական ատրիբուտ է: Պրուսական է նաև ինչպես Չիլիում, այնպես էլ աշխարհի շատ երկրներում տարածված, այսպես ասած, «կնքվող երթը»:
Մեծ Բրիտանիայում ռազմական շքերթները ավելի շատ գեղեցիկ հագուստներով ներկայացում են հիշեցնում:
Իսկական շոու են ցուցադրում նորվեգացի զինվորականները: 1996-ից ի վեր տատու կամ տապտու անունը ստացած ցուցադրական ելույթները փակ տարածության մեջ են տեղի ունենում, ինչն ավելի շատ համերգային ձևաչափ է հիշեցնում:
Երբեմն տեղի սովորույթներին անծանոթ մարդկանց համար շքերթները փոքր-ինչ ծիծաղելի կարող են թվալ: Այդպիսին կարող է թվալ, օրինակ, Իսպանական լեգեոնի՝ ցամաքային զորքերի ստորաբաժանման մարտիկների երթը: Այս դեպքում զինվորականները մեկ րոպեի ընթացքում 180 փոքրիկ քայլ պետք է կատարեն՝ հաշվի առնելով, որ իսպանական բանակում չի օգտագործվում վերոնշյալ՝ «կնքվող երթը»:
Չինաստանում, որն ունի աշխարհի ամենաբազմաքանակ բանակը, զինվորական շքերթներն աչքի են ընկնում իրենց լրջությամբ:
Ավելի մարտական տեսք ունեն Հյուսիսային Կորեայի ռազմական շքերթները: Մշտապես հակամարտության մեջ լինելով Հարավային Կորեայի և ԱՄՆ-ի հետ՝ Փխենյանը փորձում է ապացուցել, որ իր բանակը ոչնչի առջև կանգ չի առնի:
Այս առումով Հյուսիսային Կորեայի հետ կարող են մրցակցել նաև Հնդկաստանի և Պակիստանի զինծառայողները, ովքեր վերահսկում են 2 երկրների սահմանում գտնվող վերահսկիչ անցակետը: Անցակետում ամեն երեկո տեղի է ունենում դարպասները փակելու արարողությունը, որի մասնակիցները պատրաստ են հարձակվել միմյանց վրա (համենայն դեպս, այդպես կարող է թվալ):
Զանգվածային շքերթներ կարող են իրականացնել ոչ բոլոր երկրները: Օրինակ՝ Քենիան չի կարողացել 25 տարվա ընթացքում ցուցադրել իր ռազմական տեխնիկան: Առաջին անգամ դա տեղի է ունեցել 2010-ին:
Կատարում յուրաքանչյուր տարի դեկտեմբերի 18-ին՝ երկրի անկախության օրը, բացի անձնակազմից, շքերթին «մասնակցում են» նաև ռազմական ինքնաթիռներ, ուղղաթիռներ և լաստանավեր:
Առհասարակ, շքերթներն արտացոլում են տվյալ պետության ամբիցիաները:
