Դուշանբեում կանգնեցրել են աշխարհում ամենաբարձր ձողը, որի վրա էլ ամրացրել են երկրի ազգային դրոշը: Այս մասին հաղորդում է Interfax գործակալությունը: Մայիսի 24-ին կանգնեցված դրոշն ունի 60 մետր երկարություն և 30 մետր լայնություն, իսկ ձողը վեր է խոյանում 165 մետր:
Տաջիկական լրատվամիջոցները հայտնում են, որ դրոշի պաշտոնական բարձրացումը կլինի ավելի ուշ, հիմա մասնագետները փորձում են լուծել տեխնիկական խնդիրները:
Ձողը կանգնեցվել է Դուշանբեի կենտրոնում` «Ազգերի պալատի» շենքի տանիքին: Պալատի մյուս կողմում հիմա կառուցում են 45 մետր բարձրությամբ մոնումենտ, որի վրա պատկերվելու է Տաջիկստանի զինանշանը:
Նախորդ ռեկորդը պատկանում էր Բաքվին: Այնտեղ ազգային դրոշը վեր է խոյանում 162 մետրով: Այս պատվավոր տիտղոսը Բաքուն կրեց ընդամենը մեկ տարի:
