Ինչպես ՀՖՖ պաշտոնական կայքին տեղեկացրել է ՀՖՖ մամուլի քարտուղար Տիգրան Իսրայելյանը, Հայաստանի ազգային հավաքականի ինքնաթիռն արդեն վայրէջք է կատարել Տիրանայում:
Մեր ֆուտբոլային ընտրանին հանգրվանել է «Տիրանա Ինտերնեյշնլ» հյուրանոցում, որը գտնվում է Տիրանայի կենտրոնում: Այսօր երեկոյան` Երևանի ժամանակով ժամը 21:00-ին, Հայաստանի ազգային ընտրանին նախախաղային մարզում կանցկացնի Տիրանայի «ՔեմալՍթաֆա» մարզադաշտում: Հենց այստեղ էլ օգոստոսի 14-ին` Երևանի ժամանակով ժամը 22:45-ին, տեղի կունենա Ալբանիա-Հայաստան ընկերական հանդիպումը:
Հիշեցնենք, որ Հայաստանի ազգային հավաքականը մեկնել է Տիրանա հետևյալ կազմով՝
Դարպասապահներ
Ռոման Բերեզովսկի, «Դինամո» Մ., Ռուսաստան
Գևորգ Կասպարով, «ԶոբԱհան», Իրան
Պաշտպաններ
Հրայր Մկոյան, «Գանձասար»
Լևոն Հայրապետյան, «Վիձև», Լեհաստան
Կամո Հովհաննիսյան, «Փյունիկ»
Արթուր Ավագյան «Գանձասար»
Կիսապաշտպաններ
Դավիթ Մանոյան «Փյունիկ»
Արթուր Եդիգարյան, «Կայրաթ», Ղազախստան
Արաս Օզբիլիս, «Սպարտակ»Մոսկվա, Ռուսաստան
Մարկոս Պիցելի, «Կրասնոդար», Ռուսաստան
Գևորգ Ղազարյան, «Շախտյոր», Ղազախստան
Նորայր Ասլանյան, «Վիլլեմ II», Հոլանդիա
Հարձակվողներ
Յուրա Մովսիսյան «Սպարտակ», Մոսկվա, Ռուսաստան
Արթուր Սարկիսով, «Վոլգա», Ռուսաստան
Տիրանայում հավաքականին կմիանան Կառլեն Մկրտչյանը և Արտյոմ Խաչատուրովը, ինչպես նաև Հայաստանի երիտասարդական հավաքականի ֆուտբոլիստներ Վարազդատ Հարոյանը, Տարոն Ոսկանյանը, Սարգիս Ադամյանը, Աղվան Պապիկյանը և Գոռ Մանուկյանը:
