Վրաստանի խորհրդարանի խոսնակ Դավիդ Ուսուպաշվիլին, փոխխոսնակ Զուրաբ Աբաշիձեն և Եվրաինտեգրման հանձնաժողովի նախագահ Վիկտոր Դոլիձեն ԵԱՀԿ Խորհրդարանական վեհաժողովի (ԽՎ) շրջանակներում հանդիպում են ունեցել ԽՎ նախագահ Վոլֆհանգ Գրոսրուկի և Հարավային Կովկասում ԽՎ հատուկ հանձնակատար Ժոաո Սուարեշի հետ:
Հանդիպման ընթացքում քննարկվել են Վրաստանում տեղի ունեցող քաղաքական գործընթացները, երկրում կոաբիտացիայի գործընթացի բարդությունը և ձեռքբերումները: Այս մասին հաղորդում է Trend-ը՝ վկայակոչելով Վրաստանի խորհրդարանի հաղորդագրությունը:
Կողմերը քննարկել են նաև ռուս-վրացական հարաբերությունները և երկրում տեղի ունեցող բարեփոխումները:
Անդրադարձ է եղել նաև Վրաստանում նախագահական ընտրությունների հետ կապված հարցերին:
