Ներբանկային շուկայում բանկերն այս շաբաթ գնել են մոտ 90.5 մլն դոլար (90,576,701 դոլար), ինչն անցած շաբաթվա համեմատ ավելի է մոտ 1.7 մլն դոլարով (Հուլիսի 29-ից օգոստոսի 2-ը` 88,842,652 դոլար):
Դրան հակառակ բանկերի մոտ դոլարի վաճառքի ծավալը նվազել է մոտ 7.1 մլն դոլարով (այս շաբաթ` 94,940,482 դոլար, անցած շաբաթ` 102,041,043 դոլար):
Շաբաթական կտրվածքով` բանկերում իջել է և՛ դոլարի գնման միջին գինը 409 դրամ 22 լումայից` դառնալով 408 դրամ 84 լումա, և՛ դոլարի վաճառքի միջին գինը` 410.5 դրամից դառնալով 409 դրամ 81 լումա:
Իջել է նաև ռուբլու միջին փոխարժեքը: Առքի գինը իջել է երկու(12 դրամ 34 լումա), վաճառքինը` մեկ լումայով (12 դրամ 52 լումա):
Սակայն եվրոյի միջին փոխարժեքը բանկերում բարձրացել է: Եվրոյի առքի գինը 541 դրամ 61 լումայից դարձել է 542 դրամ 69 լումա, վաճառքինը` 545 դրամ 30 լումայից` 564 դրամ 7 լումա:
