Դերասան Բրյուս Ուիլիսին, որը դուրս է եկել Սիլվեստեր Ստալոնեի «Անզսպելիները-3» նախագծից, չի բավարարել հոնորարի չափը:
Ինչպես գրում է The Hollywood Reporter-ը, Ուիլիսը հավելյալ 1 միլիոն է պահանջել իր աշխատանքի դիմաց:
Դերասանին պետք է վճարեին 3 մլն դոլար՝ Բուլղարիայում 4 օրվա նկարահանման համար, սակայն նա ասել է, որ դուրս կգա նախագծից, եթե չստանա 4 միլիոն դոլար:
Ստալոնեն ու Ուիլիսը չեն կարողացել համաձայնության գալ, և նա այլևս չի խաղա նախագծում:
Ստալոնեն Ուիլիսի հեռանալու պատճառների մասին Twitter-ի իր էջում գրել է. «Գծուծ ու ծույլ՝ կարիերայի ձախողման ճիշտ բանաձև»:
Ուիլիսի ներկայացուցիչները հրաժարվել են մեկնաբանություններից:
