Բրիտանական Reuters լրատվական գործակալության փոխանցմամբ՝ Իրաքի Մոսուլ քաղաքից հեռացող ԴԱԻՇ ահաբեկչական խմբավորման զինյալները 1500 ընտանիքի հարկադրել են ուղեկցել իրենց։
Այդ մասին հայտարարել է ՄԱԿ-ի՝ մարդու իրավունքների հարցերով վարչության մամլո քարտուղար Ռավինա Շամդասանին. «Մարդկանց վտարում են տներից կամ էլ առևանգում են, որպեսզի «ծածկվեն» նրանցով, որպես կենդանի վահան, իսկ հետո սպանեն նրանց»։
Նրա տվյալներով՝ ահաբեկիչները Համամ ալ-Ալիլ քաղաքից նահանջելիս իրենց հետ տարել են 295 մարդու՝ Իրաքի իրավապահ մարմինների նախկին աշխատակիցների։ Նրանց ճակատագիրը մնում է անհայտ։
