Իրանական IRNA լրատվական գործակալության փոխանցմամբ՝ ինքնաթիռների գնման վերաբերյալ Իրանի ու Airbus, Boeing ավիաընկերությունների միջև համաձայնագրերը գործնականում կնքված են։
Այդ մասին հայտարարել է Իրանի քաղաքային զարգացման ու ճանապարհների փոխնախարար Ասգար Ֆահրի Քաշանը՝ ընդգծելով, որ պայմանագրերի կնքման վերաբերյալ բանակցությունները թևակոխել են եզրափակիչ փուլ.
«Երկու ընկերություններից ինքնաթիռներ գնելու վերաբերյալ պայմանագրերը հասել են վերջնական փուլ, և ընկերությունները կարող են սկսել համատեղ աշխատանք»։
Հունիսին հայտնի էր դարձել, որ Իրանը մարդատար օդանավերի գնման համար նախնական պայմանավորվածության է եկել Boeing կոնցեռնի հետ։ Համաձայնագրի շրջանակներում Իրանին պետք է վաճառվի ավելի քան 100 օդանավ։ Գործարքի ընդհանուր արժեքը գնահատվել էր 25 միլիարդ դոլար։
Մարտին Իրանի կառավարությունը հայտարարել էր Airbus-ի հետ համաձայնության մասին՝ 114 օդանավ գնելու համար։ Քաշամի խոսքերով՝ Իրանը մտադիր է Airbus-ից գնել 111, իսկ Boeing-ից՝ 108 օդանավ։
