ԱԺ ՀԱԿ խմբակցության պատգամավոր, «Քաղաքացիական պայմանագիր» կուսակցության վարչության անդամ Նիկոլ Փաշինյանը ԱԺ-ում լրագրողների հետ զրույցում անդրադառնալ երեկ տեղի ունեցած ՏԻՄ ընտրություններին և «Քաղաքացիական պայմանագիր» կուսակցության անհաջողություններին, նշեց. «Թույլ տվեք մանրամասն վերլուծել իրավիճակը և տալ համապատասխան գնահատականներ, ես չեմ ուզում շտապ հետևություններ անել… Հետևությունները կանենք, որքան էլ ցավալի լինի: Նրանք, ովքեր քաղաքականության մեջ պատրաստ չեն պարտվելու, չեն կարող հաղթել»:
Ն. Փաշինյանի խոսքով՝ առանց ժողովրդի կամարտահայտման իշխանափոխություն անել հնարավոր չէ: «ժողովուրդն այն գործոնն է, որը որոշումներ է կայացնում: Համենայնդեպս, ես անհնար եմ համարում իշխանափոխություն՝ առանց ժողովրդի կամարտահայտման: Իշխանափոխությունն արվում է հանուն ժողովրդի, ոչ թե ի հեճուկս: Քանի դեռ Հայաստանում չի ձևավորվել մեկ ինստիտուցիոնալ ընդդիմություն, չի լինի իշխանափոխություն:
Այո՛, մենք հավակնել և հավակնում ենք լինել այդ ուժը: Դաշինքային հարաբերությունները մեզ համար դժվար պատկերացնելի են: Եթե կան ուժեր, ովքեր պատրաստ են իրենց ուժերը մեկտեղելու մասին, պետք է մտածեն մեկ ընդդիմության, մեկ քաղաքական ուժի շուրջ համախմբվելու ֆորմատի մասին»,- ընդգծեց Ն. Փաշինյանը:- Ուղղակի քաղաքական կենսագրությունից ելնելով՝ չեմ կարող համագործակցել: Գուցե կարող է պարզվի՝ իրենց գործունեությունը ընդունելի է ժողովրդի համար, բայց դա իմ գնահատականը չի փոխում»:
Մանրամասները՝ տեսանյութում:
