Երեկ Միացյալ Նահանգների պետքարտուղար Հիլարի Քլիթոնը հաստատել է, որ Լիբիայի առաջնորդ Մուամար Քադաֆիի կինն ու դուստրը լքլե են երկիրը և գտնվում են Թունիսում: Այս մասին հաղորդում է France Presse գործակալությունը:
«Քադաֆիի ռեժիմի վրա ճնշումն այն աստիճան է մեծացել, որ անցած երկու օրերի ընթացքում նրա կինն ու դուստրը փախել են Թունիս»,- CBS հեռուստաալիքին տված հարցազրույցում ասել է պետքարտուղարը` ավելացնելով, որ Լիբիայի նավթարդյունաբերության նախարարը հանձնվել է` չնշելով, թե որտեղ է նա հիմա գտնվում:
Հիշեցնենք, որ մայիսի 18-ին Al-Jazeera հեռուստաալիքը հայտնել էր, որ Քադաֆիի կինը՝ Սաֆիան և նրա դուստրը՝ Աիշան, ինչպես նաև Աիշայի վիրավոր ամուսինը լքել են երկիրը և հիմա գտնվում են Թունիսի կղզիներից մեկի վերականգնողական կենտրոնում: Ավելի ուշ բրիտանական The Daily Telegraph-ը հաղորդեց, որ այստեղ է ժամանել նաև Քադաֆիի ավագ որդին՝ Մուհամադը: