Այս օրերին մայրաքաղաքում սկսված «չվճարեք 150 դրամ» ըմբոստության ալիքն անդրադարձել է երթուղայինների վարորդների հոգեբանության վրա:
«Առաջին լրատվական»-ը եղավ 57 համարի երթուղայինների երթուղու վերջին կանգառում և զրուցեց վարորդների հետ:
Նրանք կողմ են, որպեսզի Երևանի քաղաքապետարանը ետ վերցնի որոշումը, քանի որ բոլոր քաղաքացիները 100 դրամ են վճարում, իրենք ավելացված օրվա պլանը չեն կարողանում ամբողջությամբ հավաքագրել: Այս ակցիաները նաև անդրադառնում են իրենց հոգեբանության վրա:
Վարորդներից մեկի խոսքերով՝ ինքը ամեն ինչ ներս է գցում և այդ վիճակով դուրս գալիս աշխատանքի: Մեկ այլ վարորդ էլ նշեց, որ ամբողջ մարմնով դողում է, չգիտի, թե ինչպես պետք է քշի:
Տեղում իրենց դժգոհությունը հայտնեցին նաև ուղևորները՝ նշելով, թե չեն պատրաստվում 150 վճարել:
Մանրամասներին առաջարկում ենք ծանոթանալ տեսանյութի միջոցով: