Եղիսաբեթ 2-րդը դրևսորել է զգացմունքների հրապարակավ արտահայտման հազվագյուտ դեպք՝ գրում է The Times-ը:
Ինչպես հաղորդում է թերթը, թագուհին մի կողմ է դրել թագավորական արարողակարգը՝ որոշելով մեկնաբանել Ուիլյամի և Քեյթի որդու ծնունդը: Արքայազն Ուիլյամն անձամբ է զանգահարել թագուհուն, որպեսզի պատմի երջանիկ իրադարձության մանրամասները, սակայն Եղիսաբեթ 2-րդը որոշել է չայցելել ծոռին հիվանդանոցում: Երբ դուքսը և դքսուհին հեռանում էին հիվանդանոցից, թագուհին ընդունելություն էր անցկացնում, որին մասնակցում էին Queen’s Award for Enterprise մրցանակի 350 դափնեկիրներ:
Select Science մարքեթինգային ընկերության ներկայացուցիչ Լուիզա Բաթի խոսքերով, որը ներկա է գտնվել միջոցառմանը, թագուհին նորածին թոռանն անվանել է «մեծ տղա»: «Նա ասաց, որ առաջնեկը շատ առանձնահատուկ է: Մենք համաձայնեցինք»,- հավելել է Բաթը:
Ինչպես հաղորդվել էր ավելի վաղ, հիվանդանոցից հեռանալուց առաջ արքայազն Ուիլյամը և դքսուհի Քեյթը լրագրողներին ցույց են տվել իրենց որդուն: Ուիլյամն ասել է, որ իրենք դեռ մտածում են՝ երեխային ինչպես անվանել։