Գերմանիայի ողջ տարածքով մեկնարկել է ավանդական Օկտոբերֆեստ գարեջրի փառատոնը: Փառատոնի հայրենիք Բավարիայում, որտեղ այն հանդիսավոր կերպով անցկացվում է արդեն 183 տարի, այս տարի նախատեսվում է աննախադեպ անվտանգության միջոցառումներ, հայտնում է BBC-ն:
Այս տարի Գերմանիայի ոստիկանությունը ուժեղացրել է անվտանգությունը հնարավոր ահաբեկչությունները կանխելու նպատակով:
Դեռևս տոնի նախաշեմին, Բավարիայի իշխանությունները խոստացել էին նախաձեռնել բոլոր անհրաժեշտ միջոցները, որպեսզի երաշխավորեն գարեջրի սիրահարների անվտանգությունը:
Աշխարհում գարեջրի խոշորագույն փառատոնի տարածքը առաջին անգամ կցանկապատվի, իսկ այցելուները պետք է ենթարկվեն անվտանգության ստուգման:
Փառատոնի տարածք կարգելվի տանել ուսապարկեր կամ մեծ պայուսակներ: Փառատոնը կհսկի ավելի շատ ոստիկան, քան սովորաբար:
Օկտոբերֆեստի տարածքում նաև կաշխատի 450 պահակ և կտեղադրվեն 29 տեսավերահսկման խցիկ:
Օկտոբերֆեստը տևում է 17 օր և կավարտվի հոկտեմբերի 3-ին: Սպասվում է, որ այս տարի այնտեղ կայցելի շուրջ վեց միլիոն մարդ:
