«Գիշեր ու զօր աշխատանքով ամեն ինչ արվելու է, որպեսզի սպասումներն արդարացվեն և վստահությունը ավելի մեծանա»,- ԱԺ-ում լրագրողների հետ զրույցում խոստացավ նորանշանակ ՀՀ գլխավոր դատախազ Արթուր Դավթյանը:
Քաղբանտարկյալների վերաբերյալ հարցին անդրադառնալով՝ գլխավոր դատախազը նշեց. «Եթե անձի նկատմամբ քրեկան հետապնդումը իրականացվում է օրենքով սահմանված կարգով և ոչ թե պայմանավորված բացառապես քաղաքական գործունեությամբ, դա արդեն իսկ նշանակում է, որ քաղբանտարկյալի մասին խոսք լինել չի կարող»: Արթուր Դավթյանը խուսափեց պատասխանել հարցին, թե Հայաստանում քաղբանտարկյալներ կան, թե ոչ:
Անդրադառնալով հարցին, թե «Հարսնաքար»- ի գործը նրան խոցելի չի՞ դարձնում, Արթուր Դավթյանը պատասխանեց. «Ես խոցելի չեմ, և այդ գործը ինձ խոցելի չի դարձնի: Գլխավոր դատախազը հիշեցրեց, որ նախօրեին «Հարսնաքար»- ի գործի վերաբերյալ իր դիրքորոշումը ներկայացրել է»:
Հիշեցնենք սեպտեմբերի 14-ին Ա. Դավթյանը նշել էր, որ «Հարսնաքար» ռեստորանում 2012-ին տեղի ունեցած սպանության գործով դատավարությունը, որի շրջանակներում ինքը հանդես էր գալիս որպես մեղադրող դատախազ, օբյեկտիվ է եղել:
Մանրամասները՝ տեսանյութում:
