Պերու ուղևորությունը լուրջ խնդիրներ է հարուցել բրիտանացի զբոսաշրջիկի մոտ: Վերադառնալով տուն՝ 27-ամյա աղջիկը դիմել է բժշկի՝ գանգատվելով գլխացավերից:
Բժիշկները երկար ժամանակ չեն կարողացել հասկանալ աղջկա գլխացավերի պատճառը, մինչ նրա գլխում չեն հայտնաբերել գիշատիչ ճանճի ձվեր, որոնք սկսել էին ներսից աղջկան քայքայել։
Ռաշել Հարրիսի խոսքերով՝ ինքը ճամփորդելիս իր մազերի մեջ ճանճ է հայտնաբերել, սակայն դրան ուշադրություն չի դարձրել:
Բժիշկները աղջկա գլխում հայտնաբերել են Cochliomyia hominivorax-ի 8 բեղմնավորված ձվեր: Ճանճերը կարողացել են նրա գլխում 12 միլիմետրանոց «թունել» բացել:
Բարեբախտաբար, ձվերը չեն կարողացել վնասել դիմային նյարդն ու արյունատար անոթները: Բժիշկները, սակայն, կարողացել են հեռացնել 8 մակաբույծներից միայն 2-ին:
Եթե վերջիններս հասնեն աղջկա գլխուղեղին, ապա դա կարող է ավարտվել կաթվածով, արյունազեղմամբ ու մահվան պատճառ դառնալ:
Բժիշկներն աղջկա կյանքը փրկելու համար անում են հնարավոր ամեն ինչ:
