Հազեմ Էլ-Բաբլուին այսօր հանդիսավոր երդում է տվել Եգիպտոսի ժամանակավոր նախագահ Ադլի Մանսուրի առջև՝ որպես Եգիպտոսի անցումային շրջանի կառավարության ղեկավար: Արարողությունը տեղի է ունենում ներկայումս՝ նախագահի Էլ-Իթիհադիա նստավայրում: Վարչապետի հետ միասին հանդիսավոր երդում են տալիս նաև նրա կաբինետի նախարարները: Այս մասին հաղորդում է ITAR-TASS-ը:
Հազեմ էլ-Բաբլուիին հանձնարարվել էր նախարարների կաբինետը ձևավորել հուլիսի 9-ին: Արդյունքում, կառավարության կազմի մեջ են մտել 35 նախարարներ՝ ներառյալ 3 փոխվարչապետները: Դրանք են՝ պաշտպանության նախարար Աբդել Ֆաթահ Աս-Սիսին, ով վարչապետի առաջին տեղակալ է նշանակվել, Զիադ Բահա էդ-Դինը, ով կվերահսկի ինվեստիցիոն քաղաքականությունը և Հուսամ Իսան, ով կզբաղեցնի բարձրագույն կրթության նախարարի պաշտոնը և պատասխանատու կլինի սոցիալական ոլորտի համար:
