Sony ընկերությունը սեպտեմբերի սկզբին կներկայացնի իր հայտնի PlayStation 4-ի երկու տարբերակ: Այս մասին հայտնում է The Wall Street Journal-ը:
Պարբերականի աղբյուրները պնդում են, որ առաջին նոր PlayStation-ը օրիգինալ PlayStation 4-ի slim-տարբերակն է, իսկ երկրորդը՝ ավելի հզոր մոդիֆիկացիա, որն արդեն անվանակոչել են PlayStation Neo: Ենթադրվում է, որ այն կունենա 4K աջակցություն, նաև ավելի առաջատար գրաֆիկա խաղերում:
Պատկերի այդքան բարձր որակ կպահանջվի առաջին հերթին PlayStation VR վիրտուալ իրականության ակնոցների աջակցությամբ նախագծերին, որը, ինչպես նախատեսվում է, վաճառքի կհանվի հոկտեմբերին՝ 400 դոլարով: Միաժամանակ, խաղերի տեսակավորումը PlayStation 4-ի բոլոր տարբերակների համար չի փոխվի:
Օրիգինալ PlayStation 4-ը շուկա է հանվել 2013թ. նոյեմբերին, և այդ ժամանակից ի վեր վաճառվել է դրա ավելի քան 40 մլն օրինակ:
