Արևմտյան Վրաստանում Սամեգրելո-Զմեո Սվանեթի շրջանի նահանգապետը՝ Վրաստանի ՆԳՆ նախկին աշխատակից Թենգիզ Գունավան, դատապարտվել է 4 տարվա ազատազրկման: Այս մասին հաղորդում է Gazeta.ru-ն:
Քրեական օրենսգրքի 2 հոդվածները, որոնցով նահանգապետը մեղավոր է ճանաչվել, նախատեսում են 8 տարվա ազատազրկում, սակայն հաշվի առնելով համաներումը՝ ժամկետը կրճատել են:
Թբիլիսիի քաղաքային դատարանը Գունավային մեղավոր է համարել պետական միջոցները ծախսելու, ինչպես նաև պաշտոնական լիազորությունների չարաշահման մեջ: Նրան մեղավոր են ճանաչել նաև 6.75 հազար լարի (մոտ 4 հազար դոլար) «արժողությամբ» 3 հազար լիտր բենզին յուրացնելու մեջ: Նա յուրացրել է նաև 46.5 հազար լարի (մոտ 30 հազար դոլար):
Մինչև դատավճռի հրապարակվելը Գունավան լրագրողներին ասել էր, որ ինքը հետապնդվում է քաղաքական դրդապատճառներով և իր մեղքը չի ճանաչում:
