TASS-ի փոխանցմամբ` Եվրասիական տնտեսական միության և Վիետնամի միջև ազատ առևտրի համաձայնությունը ուժի մեջ կմտնի հոկտեմբերի 5-ին: Այդ մասին լրագրողներին հայտնել է ԵվրԱզԷՍ-ի առևտրի նախարար Վերոնիկա Նիկիշինան:
«Մենք ուրախ ենք, որ բոլոր վավերացման ընթացակարգերը ավարտվել են, և հոկտեմբերի 5-ին ուժի մեջ կմտնի Եվրասիական տնտեսական միության և Վիետնամի միջև ազատ առևտրի համաձայնությունը: Հոկտեմբերի 5-ից ապրանքների մեծ մասի համար, որոնցով առևտուր են անում մեր երկրները, կգործեն իջեցված մաքսային դրույքաչափեր»,- ասել է Նիկիշինան:
Ինչպես հայտարարել են ԵՏՀ-ում, համաձայնության ուժի մեջ մտնելուց անմիջապես հետո Վիետնամը ԵվրԱզԷՍ երկրների համար կբացի շուկա անհրաժեշտ շատ ապրանքների համար: Այդ ապրանքները մասնավորապես կլինեն գյուղատնտեսական ոլորտից` պահածոյացված ձուկ, սերմեր, ալյուր, կաթնամթերք, պանիր, բուսական յուղ, կենդանիների կեր, ալկոհոլային արտադրանք:
Բացի այդ, խոսք է գնում նաև արդյունաբերական ոլորտի ապրանքների` թանկարժեք քարերի, անվադողերի, խողովակների, նավերի, մեխանիկական սարքավորումների, էլեկտրական սարքավորումների, պողպատյա ապրանքների, գյուղատնտեսական տեխնիկայի, ավտոբուսների, թեթև ավտոմեքենաների, բեռնատարների, նավթային արտադրանքների մասին:
