Բուքինգհեմյան պալատը հայտարարել է պաշտոնական տիտղոսը, որը ստանալու է արքայազն Ուիլյամի ու նրա կնոջ՝ Քեյթ Միդլթոնի երեխան:
Ինչպես գրում է The Daily Mail-ը, եթե աղջիկ ծնվի, ապա նա կլինի Նորին թագավորական մեծություն Քեմբրիջի արքայադուստր: Եթե տղա ծնվի, ապա երեխային կտրվի Նորին թագավորական մեծություն Քեմբրիջի արքայազնի տիտղոս:
Քեմբրիջի արքայազնի կամ արքայադստեր տիտղոսը կշնորհվի թագավորական ընտանիքի ներկայացուցչին առաջին անգամ բրիտանական միապետության ամբողջ պատմության ընթացքում:
Քեմբրիջի քաղաքապետ Փոլ Սոնդերսը պալատի որոշումն անվանել է մեծ պատիվ քաղաքի համար:
Այն մասին, որ Ուիլյամի ու Քեյթի բոլոր երեխաները կրելու են Քեմբրիջի արքայազնի ու արքայադստեր տիտղոսը, 2012թ. դեկտեմբերի 31ին հայտարարել էր Մեծ Բրիտանիայի թագուհի Էլիզաբեթ Երկրորդը:
