Նավթի գինը թանկանում է՝ շարունակելով դրական դինամիկան, որի հիմքում ընկած են անցած շաբաթ ԱՄՆ-ում բենզինի պաշարների զգալի կրճատման մասին էներգետիկայի նախարարության տվյալները։ Այս մասին են վկայում բորսային տվյալները։
Brent մակնիշի հյուսիսծովյան նավթային խառնուրդի հոկտեմբերյան ֆյուչերսների արժեքը բարձրացել է 0.46 տոկոսով՝ հասնելով մեկ բարելի դիմաց 43.30 դոլարի։ WTI ամերիկյան թեթև նավթի սեպտեմբերյան ֆյուչերսների արժեքը բարձրացել է 0.76 տոկոսով՝ հասնելով մեկ բարելի դիմաց 41.44 դոլարի։
ԱՄՆ էներգետիկայի նախարարությունը չորեքշաբթի հայտարարել էր, որ երկրում նավթի կոմերցիոն պաշարները մեկ շաբաթում, որն ավարտվել է հուլիսի 29-ին, անսպասելիորեն աճել են 1.4 մլն բարելով՝ հասնելով 522.5 մլն բարելի։ Վերլուծաբանները սպասում էին ցուցանիշի նվազում 1.363 մլն բարելով։
Ներդրողների ուշադրությունն են գրավել հաշվետվության այլ տվյալներ։ Այսպիսով՝ ԱՄՆ-ում բենզինի պաշարներն անցած շաբաթ կրճատվել են 3.3 մլն բարելով՝ հասնելով 238.2 մլն բարելի։ Փորձագետները սպասում էին կրճատում ընդամենը 0.2 մլն բարելով։ Դա թուլացրել է շատ ներդրողների անհանգստությունը շուկայում բենզինի պաշարների գերավելցուկի վերաբերյալ։