Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանում քննվող քրեական գործով թմրամիջոցների ապօրինի իրացման մեղադրանքով ամբաստանյալներ Արտաշես Բաղումյանը և Ալբերտ Հակոբյանը 2013 թ. մայիսի 4-ի դատական նիստի ժամանակ հայտարարել են նույն գործով նախաքննություն իրականացրած քննիչի կողմից` Արտաշես Բաղումյանից 2000 ԱՄՆ դոլար կաշառք պահանջելու և ստանալու, ինչպես նաև հետաքննության մարմնի աշխատակիցների կողմից Ալբերտ Բաղումյանից բռնության գործադրմամբ, սպառնալիքներով և խոշտանգմամբ իրականությանը չհամապատասխանող ցուցմունքներ կորզելու վերաբերյալ:
Ամբաստանյալների հաղորդումների կապակցությամբ Հատուկ քննչական ծառայությունում նախապատրաստված նյութերով հիմնավորվել է, որ Արտաշես Բաղումյանը և Ալբերտ Հակոբյանը, գիտակցելով, որ իրենց տրամադրած հիշյալ տեղեկությունները կեղծ են, ծանր հանցագործության մեջ մեղադրելով քննիչին ու հետաքննության մարմնի աշխատակիցներին, կատարել են հանցագործության մասին սուտ մատնություն:
Փաստի առթիվ Հատուկ քննչական ծառայությունում ՀՀ ՔՕ 333-րդ հոդվածի 2-րդ մասի 1-ին կետով հարուցվել է քրեական գործ, կատարվում է նախաքննություն:
