Մեծ Բրիտանիայի վարչապետ Դևիդ Քեմերոնը հայտարարել է Աֆղանստանում զորակազմի թվաքանակի ավելացման մասին՝ հայտնում է The Guardian-ը։ Նշվում է, որ զինվորականների թիվը կհասցվի 500 մարդու։ Բրիտանացի վարչապետը Վարշավայում նշել է Աֆղանստանի կառավարության և անվտանգության ծառայությունների հետ աշխատանքի շարունակման կարևորությունը՝ այդ երկրից ահաբեկիչներին դուրս մղելու համար։
«Մեծ Բրիտանիան փոքր դեր չի խաղա աշխարհում։ Մենք ցանկանում ենք համոզվել, որ կիրառում ենք մեր ուժը, այդ թվում՝ ՆԱՏՕ-ի գծով՝ բրիտանական արժեքների ու այն բաների տարածման համար, որոնց մենք հավատում ենք»,- ասել է նա։
Քեմերոնը հավելել է, որ Միացյալ Թագավորությունը կմնա համաշխարհային արենայում առաջատար խաղացողներից մեկը՝ չնայած ԵՄ կազմից դուրս գալու որոշմանը։
Ավելի վաղ հաղորդվել էր, որ Աֆղանստանի նախագահ Աշրաֆ Գանին ողջունում է ԱՄՆ նախագահ Բարաք Օբամայի որոշումը երկրում ամերիկացի զինվորականների թվաքանակի պահպանման վերաբերյալ։
