Երեքշաբթի օրը Բոլիվիայի իշխանությունները հայտարարել են, որ Պորտուգալիայի և Ֆրանսիայի գործողությունները, ովքեր հրաժարվել են թույլ տալ Բոլիվիայի նախագահի ինքնաթիռի վայրէջքը, սպառնալիքի տակ են դրել նախագահի կյանքը: Այս մասին հաղորդում է բոլիվիական ABI գործակալությունը:
«Պորտուգալիան և Ֆրանսիան պետք է մեզ բացատրություն տան, թե ինչու են նրանք թույլտվությանն այդպես արձագանքել: Բացի այդ, ինքնաթիռը ֆրանսիական է, օդաչուները նախապատրաստական դասընթացներ են անցել Ֆրանսիայում: Նրանք ցանկանում են վախեցնել մեզ, դա խտրականություն է մեր նախագահի նկատմամբ, որի կյանքը վտանգվել էր»,- հայտարարել է Բոլիվիայի ԱԳ նախարար Դավիդ Չոկեուանկան:
Գործակալությունը նշում է, որ Ֆրանսիայում և Պորտուգալիայում վայրէջքի թույլտվություն չստանալու պատճառով արդեն 3 ժամ օդում գտնվող ինքնաթիռը ստիպված է եղել վայրէջք կատարել Վիեննայում:
Բացի այդ, Բոլիվիայի ԱԳ նախարարությունը Իսպանիայի իշխանություններից թույլտվություն է ստացել, որ նախագահի ինքնաթիռը կարող է օգտվել Կանարյան կղզիներից, սակայն դա ևս չեղյալ է համարվել:
Գործակալությունը նշում է, որ դրա պատճառն այն «անհիմն» ենթադրություններն են, ըստ որոնց՝ ինքնաթիռում կարող էր գտնվել Վաշինգտոնի կողմից հետախուզվող Էդվարդ Սնոուդենը:
