Ստենֆորդի համալսարանը որպես նվիրատվություն ստացել է 151 մլն դոլար՝ գրում է Forbes-ը:
Ինչպես նշել են ուսումնական հաստատությունում, դա բուհի պատմության մեջ խոշորագույն նվիրատվությունն է, որը կատարվել է ներկայում ողջ մարդու կողմից:
75-ամյա Ջոն Արիլագան Ստենֆորդին է փոխանցել այդ գումարը տարբեր նախագծեր կյանքի կոչելու համար:
Թերթը հիշեցնում է, որ Արիլագան, ում կարողությունը գնահատվում է 1.9 մլրդ դոլար, ֆինանսավորել է համալսարանական նախագծերի մեծ մասը, այդ թվում՝ տեղի ֆուտբոլային մարզադաշտի վերակառուցման աշխատանքները:
Հոդվածում ընդգծվում է, որ 1950-ականներին Ստենֆորդում ուսանելիս ապագա գործարարը կրթաթոշակ է ստացել, որը հիմնել էին նվիրաբերողները:
