Անհայտ անձինք հասանելիություն են ստացել WikiLeaks պորտալի հիմնադիր Ջուլիան Ասանժի և Էկվադորի արտգործնախարար Ռիկարդո Պատինյոյի նամակագրությանը: Այս մասին հայտարարել է նախարարն անձամբ Twitter միկրոբլոգների ծառայության իր էջում՝ հայտնում է ITAR-TASS-ը:
Նա հայտարարել է իր էլեկտրոնային փոստը կոտրելու և Ասանժի կողմից մի քանի օր առաջ իրեն ուղղված նամակը բացելու մեջ, որում Ասանժը ներողություն էր հայտնում:
Նշենք, որ The Wall Street Journal-ում ավելի վաղ տեղեկություններ էին հայտնվել Էկվադորի գործադիր իշխանության մի քանի անդամների էլեկտրոնային փոստերի պարունակության մասին:
Պարբերականի տվյալներով՝ Վաշինգտոնում Էկվադորի դեսպան Նատալի Սելին կառավարության պաշտոնական ներկայացուցիչ Ֆերնանդո Ալվարադոյին ուղղված նամակում դժգոհություն էր հայտնել այն դերի առնչությամբ, որը խաղացել է Ասանժը հարավամերիկյան երկրի իշխանությունների հետ Սնոուդենին հնարավոր քաղաքական ապաստան տրամադրելու վերաբերյալ բանակցություններ անցկացնլիս:
Մեկ այլ նամակում Ասանժը, որին Էկվադորն արդեն տրամադրել է քաղաքական ապաստան, ներողություն է խնդրել Պատինյոյից այն անհարմարությունների համար, որոնք նա իր գործողություններով պատճառել է այդ երկրի իշխանություններին:
