Եվրամիությունից Բրիտանիայի դուրս գալու ընթացակարգի մեկնարկի ժամկետները կորոշի Միացյալ Թագավորության նոր վարչապետը՝ հայտարարել է վարչապետ Դևիդ Քեմերոնը։
Այսօր Քեմերոնը հայտարարել է հանրաքվեի արդունքներով իր հրաժարականի մասին։ Հանրաքվեում հաղթել են եվրասկեպտիկները։
«ԵՄ-ի հետ բանակցությունները պետք է սկսել նոր վարչապետի հետ։ Ես ճիշտ եմ համարում, որ այդ վարչապետը որոշի՝ երբ սկսել գործընթաց 50-րդ հոդվածով, և սկսել ԵՄ-ից դուրս գալու պաշտոնական և օրինական գործընթաց»,- ասել է վարչապետը՝ ելույթ ունենալով լոնդոնյան իր նստավայրում։ Այս մասին հայտնում է RIA Novosti-ն։
«Ես կարծում եմ, որ երկրին պետք է թարմ կառավարութուն, որը կտանի երկիրն այդ ուղղությամբ։ Ես կանեմ իմ ուժերի ներածին չափով ամեն բան, որպես վարչապետ, որպեսզի կայունացնեմ երկրի կուրսը հաջորդ մի քանի ամիսներին։ Բայց չեմ կարծում, որ ես չպետք է լինեմ կապիտան, որը կտանի նավը նոր ուղղությամբ»,- ասել է Քեմերոնը։
«Ես կարծում եմ, որ հոկտեմբերին Պահպանողական կուսակցության համաժողովում կորոշվի նոր թեկնածուն»,- հավելել է վարչապետը։
