Վրաստանի վարչապետ Բիձինա Իվանիշվիլին հանդիպել է կրթության, մշակույթի, երիտասարդության հարցերով եվրահանձնակատար Անդրուլա Վասիլիուի հետ:
Ինչպես հաղորդում է Trend գործակալությունը, հանդիպումը տեղի է ունեցել Բիձինա Իվանիշվիլիի նստավայրում:
Վարչապետը շնորհակալություն է հայտնել Վասիլիուին այն բանի համար, որ մշակույթի ոլորտում «Արևելյան գործընկերության» երկրների մշակույթի նախարարների առաջին հանդիպումն անցկացվում է Վրաստանում:
Իվանիշվիլին նաև ընդգծել է, որ Վրաստանը եվրաինտեգրման կուրսից բացի, այլընտրանք չունի, ինչը պայմանավորված է վրացի ժողովրդի ընտրությամբ:
