Եվրախորհրդարանի՝ տնտեսական և արժութային հարցերով կոմիտեն երկուշաբթի օրը քվեարկել է 2014թ.-ի հունվարի 1-ից Լատվիայի՝ եվրոգոտուն անդամակցելու օգտին: Այս մասին հաղորդում է Ria Novosti-ն:
Ավելի վաղ կոմիտեի անդամները լսել են պատգամավոր Բուրկխարդ Բալցի պատրաստած զեկույցը, համաձայն որի՝ 2014թ.-ի հունվարի 1-ից Լատվիան պատրաստ է միանալ եվրոգոտուն:
Բալցի խոսքերով՝ Լատվիան անցել է տնտեսական ճգնաժամի միջով և ձեռնարկել լուրջ տնտեսական միջոցառումներ, ուստի արժանի է եվրոգոտի հրավիրվելուն: Երկուշաբթի օրը կոմիտեի անդամների մեծամասնությունը կողմ է քվեարկել Լատվիայի անդամակցությանը եվրոգոտուն:
