Լե Բուրժեում աշխատանքներն է ավարտել միջազգային ավիասրահը: Պայմանագրերի գումարը, որ կնքել են ավիացիոն ու տիեզերական արդյունաբերության ղեկավարները, գերազանցել է բոլոր ռեկորդները՝ հասնեկով 115 մլն եվրոյի:
Ընդհանուր առմամբ՝ աշխարհի առաջատար ավիաշինական ընկերությունները ստացել են պատվերներ ու ստորագրել արձանագրություններ ավելի քան 1500 ինքնաթիռի կառուցման վերաբերյալ:
Անխոս, առաջատարը եղել է եվրոպական Airbus կոնցեռնը ու ամերիկյան Boeing-ը, հաղորդում է ITAR-TASS-ը:
Եվրոպացիներին հաջողվել է առաջ անցնել իր գլխավոր մրցակցից՝ կնքելով պայմանագրեր ու հուշագրեր, որոնք գերազանցել են 68 մլրդ դոլարը՝ 466 ինքնաթիռի պատվերի համար:
Boeing-ի պորտֆելը համալրվել է 66 մլրդ դոլարով՝ 442 ինքնաթիռի համար:
Զգալի հաջողություն են գրանցել նաև տարածաշրջանային ուղևորատար ինքնաթիռներ արտադրողները, մասնավորապես՝ բրազիլական Embraer ընկերությունը:
Ֆրանս-իտալական ATR ընկերությունը Լե Բուրժեի ավիասրահն անվանել է իր պատմության մեջ լավագույնը։ Ընկերությունը ստացել է 173 ինքնաթիռի պատվեր:
Այս տարի ցուցահանդեսին մասնակցել է ավելի քան 3 հազար ընկերություն՝ աշխարհի 44 երկրից: Սրահ այցելել է 300 պաշտոնական պատվիրակություն՝ 88 երկրից:
