Գերմանիայի կանցրել Անգելա Մերկելը ցուցադրաբար ծափահարել է Բունդեսթագի նախագահ Նորբերտ Լամերտին, որն այսօր խորհրդարանում բանավեճ է բացել` Թուրքիայի նախագահ Ռեջեփ Էրդողանի հասցեին քննադատական հայտարարությամբ: Այդ մասին հայտնում է DPA գործակալությունը:
Լիագումար նիստի դահլիճում Լամերտի արտահայտությունն առաջացրել է բուռն ծափահարություններ. «Այն, որ դեմոկրատական ճանապարհով ընտրված նախագահը 21-րդ դարում իր քննադատությունն է անում Բունդեսթագի դեմոկրատական ճանապարհով ընտրված պատգամավորներին` կասկածելով նրանց թուրքական ծագումը, նրանց արյունն անվանելով ապականված, ես անհնար եմ համարում»:
«Անսովոր է, երբ խորհրդարանում նստածները ծափահարում են»,- նկատել է DPA-ն:
Բունդեսթագը հունիսի 2-ին ձայների բացարձակ մեծամասնությամբ ընդունել է Հայոց ցեղասպանությունը ճանաչող բանաձև: Այդ օրը Մերկելը քվեարկությանը չի մասնակցել:
Էրդողանը հետագայում խիստ քննադատել է թուրքական ծագմամբ գերմանացի խորհրդարանականներին,
«Շատերն ասում են, որ իրենք թուրք են: Կներեք, ի՞նչ թուրք են: Նրանց արյունը հարկավոր է ուղարկել լաբորատորիա ստուգման»,- հայտարարել է նա:
