Արժեքների եվրոպական համակարգում ընտրովի արդարադատության կիրառումը, մասնավորապես՝ Տիմոշենկոյի դեմ, անընդունելի է՝ վստահ են Գերմանիայի արտաքին քաղաքական գերատեսչությունում:
Ուկրաինան ակնկալում է Գերմանիայի օգնությունը ԵՄ-ի հետ ասոցացման համաձայնագրի ստորագման նախապատրաստման գործընթացում։ Այս մասին, ինչպես հայտնում է UNIAN-ը, հայտարարել է Ուկրաինայի արտգործնախարար Լեոնիդ Կոժարան:
Պատմելով այսօր առավոտյհան Կիևոմ իր և Գերմանիայի արտգործնախարար Գիդո Վեստերվելլեի հանդիպման արդյունքներից՝ նա ասել է, որ տեղեկացրել է գործընկերոջը համաձայնագրի ստորագրման համար Ուկրաինայի արած քայլերի մասին:
«Ես տեղեկացրել եմ պարոն նախարարին՝ ինչպես դրական առաջընթացների մասին, այնպես էլ այն հարցերի մասին, որոնք Ուկրիանան չի կարողացել լուծել համաձայնագրի ստորագրման համար: Եվ ես օգնություն եմ խնդրել այդ հարցերի լուծման համար»,- ասել է Կոժարան: Ուկրաինայի արտգործնախարարն ընդգծել է, որ Գերմանիայի դիրքորոշումը շատ հարցերում կլինի վճռորոշ:
Վեստերվելլեն իր հերթին հույս է հայտնել, որ Ուկրաինան, որը ներկայում գտնվում է պատմական խաչմերուկին, ընտրություն կանի հօգուտ եվրաինտեգրման: «Ես տեսնում եմ Ուկրաինան որպես Եվրոպայի անքակտելի մաս, որպես կամուրջ՝ Արևելքի ու Արևմուտքի միջև»,- ասել է նա:
Նախարարն ընդգծել է Ուկրաինայի դրսևորած առաջընթացը և նշել է, որ Ուկրաինան դեռևս շատ գործ ունի անելու բարեփոխումների անցկացման գործընթացում, հատկապես՝ իրավական ոլորոտում: «Հուսով եմ՝ աշնանն ասոցացման մասին համաձայնագիրը կստորագրվի, սակայն եվրոպական հասարակությունը գոյություն ունի միայն ընդհանուր արժեքների հիման վրա»,- ասել է Վեստերվելլեն:
Ինչպես հայտնի է, Ուկրաինան և ԵՄ-ն ձգտում են ասոցացման մասին համաձայնագիրը ստորագրել նոյեմբերի 28-29-ը Վիլնյուսում կայանալիք «Արևելյան գործընկերության» գագաթնաժողովի ժամանակ:
