Լեհաստանի սենատն, ի նշան Վոլինում ուկրաինացի ազգայնականների ձեռքով սպանված 70 000 լեհերի հիշատակի, բանաձև է ընդունել, որտեղ այդ ողբերգությունը բնութագրել է որպես «ցեղասպանության նախանշաններով էթնիկ զտում»:
Որոշման տեքստի նախապատրաստմանը զուգահեռ՝ վեճ էր ընթանում «ցեղասպանություն» տերմինի կիրառման վերաբերյալ: Ուկրաինայի նախկին նախագահ Լեոնիդ Կրավչուկը, ով այս շաբաթ Վարշավայում էր գտնվում, նման ձևակերպումը «սխալ» է անվանել: Նրա խոսքերով՝ ցեղասպանությունը կարող է իրականացնել միայն պետությունն՝ իր ապարատի օգտագործման միջոցով:
Միջազգային հարաբերությունների լեհական ինստիտուտի փորձագետ Պյոտր Կոսչինսկին համարում է, որ նման բանաձևի ընդունումը դուր չի գա Ուկրաինայի ազգայնական շրջանակներին, սակայն նաև չի հանգեցնի Կիևի և Վարշավայի հարաբերությունների սառեցմանը: